1000) gee my jou hart

en ek sal jou wys
hoe ek kan troetel

hoe ek goed kan wees
jou lag kalm my gees

jou blinkoog
weerkaats sag

as ek jou soen
proe ek
rooiwang perske

jy warm my op
as jy jou saglyf
styf teen my druk

met fluisterwoorde
vertel ek jou

van die jare verby
van die mooi in die lente

jy bloos soos
die lekkerruik rose
in my tuin

jou oë word sag
as ek jou vertel
van die baie mores
wat vir ons wag

Liked it? Share it please ...