1134) stomend

ons staan teenmekaar
amper opmekaar
ons gee nie om nie

toepaslik begin die tromme
ek dink ek kan
sy glimlag breed
‘n hunk het ek hier
op die eerste date nogal

die stoom spoel oor die voete
die beat
ek dink ek kan
ek dink ek kan

droomoog gee sy die pas aan
haar smelt-lyf spoor hom aan
net solank ons nie
vanaand ontspoor nie,
dink sy

die beat gaan voort
ek dink ek kan
ek dink ek kan
ek dink ek kan
120km per uur haal

sê die paartie treintjie windgat

dit ruk en rol
dit ruk en pluk
skuur van plesier
in die waens agter

die fyndraai sien
treintjie te laat

sy word wakker
sy stoom in sy moer
sy het soveel verwag

hy het so gou
stoom verloor

Liked it? Share it please ...