1301) blink loop

die skerpskutter met die ysterkruis
knip sy oog, die teiken duidelik
‘n drie ster generaal
in die kruislyn

hy is dors en uitgeteer
sy hande bewe
hy skiet mis

generaal patton lewe
sy lyfwag is dood

moeg sak die skerpskutter
op die blinkloop van sy geweer

hy draai om
en sien die vlae wapper

die kort mannetjie met die snor
steek sy hand op en skree ‘heil’

die skerpskutter laai sy geweer
en skiet hom tussen die oë

en red 6 miljoen lewens

hy smyt die ysterkruis ver weg
en begin bitterlik te ween

Liked it? Share it please ...