1304) Die sakabula kwetter vrolik

laag flap die blinkswart
sakabula oor die groen vlei

dit is vroegoggend
’n heerlike somersdag

hy is op pad na die bos
waar hy die mooi jong
sakabulatjie gister gesien het

hy kwetter vrolik
daar is maar min van hulle oor
hy is gelukkig

hy sien haar swart spikkel
en vlieg swaaistert soontoe

die honger straatkat
soek al van vroeg af ontbyt

hy ruk die blinkswart flap
uit die lug uit

hy vee die laaste vere
van sy snor af

en sluip katvoet
in die rigting van die mooi
sakabulatjie

Liked it? Share it please ...