1349) Koepon 2

ek hoor vêraf die gesing
ek het nog nooit
’n engel hoor sing nie

by die deur kry ek
’n boekie koepons
ek kyk na die koor
en sien die kinders

dit is hulle wat nie
volgens GODS plan
gevorm is nie
ons draai gewoonlik
ons koppe weg

maar hulle sing
uit volle bors

Jesus min my salig lot
EK WEET EK IS ’N KIND VAN GOD

ek haal my masker af
om my trane af te vee

ek los my masker
en met my boekie koepons
staan ek buite

en kyk op na die hemel
en sê

vanaand is U hier
op aarde

Liked it? Share it please ...