1371) Waterloo van die liefde

Op kleuterskool was ons maatjies
ons het kospakkies gedeel

in standerd ses het ons vir die meisies geloer
todat hulle rooi geword het

klein gevoude briefies
het rondgevlieg
soos skoenlappers

in matriek het die eerste pyl my getref
my beste vriend het my meisie afgevry

my hart het gebloei
maar het gesond geword
die litteken is nou nog daar

op universiteit word my meisie swanger
maar ek was nie die pa nie
ek het baie seer gekry

op 25 dog ek toe ek het haar ontmoet

die troumars, die sjampanje, die speech
’n sprokies verhaal
twee sulke mooi mense, sê hulle

op 28 was sy gereeld by meetings

nou meeting sy en haar baas voltyds

my hart was stukkend geskeur
my wond was rou

ek het nou ’n pantser hart
en dra ’n dolk

Liked it? Share it please ...