1507) Weet nie van beter

die vrouens van hierdie dorp
weet nie van beter

hulle dra almal dieselfde
haarstyl en blomrokke

hulle kry nooit blomme nie

die manne spog in die kroeg
en huil oor die bote
en double cabs
wat die balju gevat het

hulle spog oor hoeveel vrouens
hulle al gespyker het

Twaalfuur maak die kroeg toe
en die manne slinger huistoe
waar die spykers wag

sy staan in haar blom kamerjas
die ketel stoom

hy sal nie waag om haar
weer te bliksem
of te spyker

Liked it? Share it please ...