1621) Reis terug

die reuk van mieliepap
stuif op in my neus

karplaks val ek
op die vloer van gister

ek is 10 jaar oud
oupa is besig om pap te maak

die koolstoof gloei rooi
soos oupa se boxer twak pyp

die langtuit koffiepot
spoeg spoeg op die warm plaat

die geur van moerkoffie
sprei deur die huis

dit was die dae van ons jeug
kommervry en sorgeloos
menswees dae

Godgegewe oomblikke
waarna ons verlang

Liked it? Share it please ...