1743) ‘n ster verskiet

voordat sy kan val
het ek haar gevang

ek het amper my
vingers verbrand

sy het bewend onder
die komberse gelê
haar oë was wild

ek het haar gesig
met ‘n warm waslap
skoongemaak

en warm milo
het haar oë gesluit

ruk ruk het sy geslaap
en lelik gepraat

groot oog het sy
smekend gesê
dit is koud daar alleen

die geknakte blom
het ek gespalk

sy dra nou
die mooiste blomme
in my tuin

Liked it? Share it please ...