1760) My skepper

die dag toe jy
die gedagte gekry het

om iets skeppends te skep
het jy seker by jouself gelag

jy gaan my nie mooi maak
ek sal self mooi moet word

jy gaan my nie sterk maak
ek sal self moet uitvind
waar my krag vandaan moet kom

ek gaan jou nie ‘n suiwer stem gee
jy moet maar so hees hees deur
die wêreld gaan

ek gaan nie geld gee nie
maar die goud wat jy het
moet jy deel

maar wat ek jou gaan gee is

‘n saadjie van geloof
wat jy moet water gee

ek gee vir jou visie
sodat jy die ewigheid
kan sien

ek gee vir jou ywer
sodat jy die berge
wat ek gee
kan klim

ek gee vir jou
‘n mens hart
wat warm kan klop
sodat jy liefde kan deel

Liked it? Share it please ...