1761) Hond alleen

Die spca in transit kamp
is nie ’n speelkamp nie

sê die swarthond vir homself
hy het voor dit nie geweet
waar hy vandaan gekom het nie

hy het vanoggend eers gehoor
sy pa was ’n border collie
wat geen grense gerespekteer het

sy ma was ’n labrador
sy ouma was ’n duitse herdersmeisie
sy oupa was ’n windhond

hy het ’n vriendelike geaardheid ge erf
en was ’n bobaas stertswaaier

hy het nie geweet
hy is op die spca deathrow nie

tussen al die mense het hy
my gekies

hy groet my elke aand
en word nooit kwaad
of dikbek nie
al is hy ’n bietjie dom
van al die hongerly

dankbaarheid ken geen perke
blydskap ken geen perke

jy is nie meer alleen hond
ek is nie meer hond alleen nie

Liked it? Share it please ...