1882) Jong liefde

begin in die lente

die broos knoppie
bot aan die takkie

die hitte spoor dit aan
dag na dag groei dit

totdat dit bloei
en kleur en geur
versprei

die liefde word bevrug
die jong liefde moet dood
om vrug te dra
die reste reis
op die wind

die jong vrug
kind van die liefde

groei met blooswang
om soet en ryp
te wag

die vrugtevlieg kom
en plant haar liefdesaad

die kringloop van die liefde
eindig in die dood

Liked it? Share it please ...