1987…Liefdesbrief

Ek kan nie altyd my gevoel
omsit in woorde nie

as ek na jou kyk
en jou oë sien blink

in die laatmiddag son
dan wel emosie in my op

my oë traan onwillekeurig
en my hart word sag

die kalmte en warmte
hier binne my
kan ek nie beskryf nie

die begeerte warm
en polsend hier binne my

ek kan nie maklik my gevoel
in woorde omsit nie

daarom bêre ek ook
hierdie gedig

saam met die 99 ander
wat ek vir jou geskryf het

Liked it? Share it please ...