2100…Kalkoen droom

Die ou kalkoen
staan teen die draad
en tuur die vertes in

sy kam is stukkend
en sy vere is verweer

sy koeloe-koeloe
is net n hees fluister

hy weet kalkoene
gaan nie van ouderdom dood nie

hy wil net gewaardeer word
en geniet word

so wil hy kalkoenland verlaat

hy het toe altyd tussen
die jong kalkoene gewei

so word hy toe ook
saam met hulle gevang

toe hy sy oë
vir die laaste keer toemaak

sien hy net die prentjie
van sy laaste kalkoen vroutjie

wat trots op hulle
40 eiers sit en broei

Liked it? Share it please ...