2101…Hulle droom van kalkoen

Die honger gesin
skuif nader aan die vuur
die winterwind huilend
hier vlak naby

die vetterige stukkie rib
het skaars genoeg sous
vir die droë soutlose pap

die advertensie bord
met die groot vet bruingebrande kalkoen op
het hulle honger gemaak

hulle droom van kalkoen

toe hulle dankie sê vir die pap
toe hulle hul oë oopmaak

staan daar n silwer skottel
met n groot vet bruingebrande kalkoen voor hulle

hoe die kalkoen daar gekom het
weet hulle nie
maar se toe weer dankie met oop oë

al droom jy net om gewaardeer te word
al droom jy net om geniet te kan word
al droom jy net van kalkoen

drome kan waar word

jy moet net glo

Liked it? Share it please ...