2124…Die laaste galgtou

Met afgemete treë stap hy

die geel ligte blink
op sy kaalgeskeerde kop

die bewaarders staar hom aan
die arrogansie nog steeds daar

sweetdruppels rol van sy voorkop af
en val op sy pasgestrykte hemp

hy staan voor die doodskamer
en sluit sy oë

my God U het gesê
al staan ek in die dal
van die doodskaduwee

die stilte word verbreek
deur die skril gelui van n telefoon

hy glimlag terwyl hy prewel
my God u het woord gehou

die laaste galgtou

hang stilwit
in die flou lig

Liked it? Share it please ...