2147…Die mesblok in die kombuis

ek het vanaand ‘n bietjie
laat gekuier
die huis was stil en leeg

die mesblok met die
vlyfskerp messe
klink in die kombuislig
die een mes was
nie daar nie

toe sien ek die braaikuiken
met die mes daarin

nogal bedagsaam van my vrou
ek kerf die hennetjie vinnig op

elke aand het daar ‘n dis
met ‘n ander mes gestaan

my geliefde dis ribbetjies
was egter nie daar nie

die grootste mes het oorgebly
seker vir die ribbetjies

ou Gert het die aand verjaar
die paartie was wild

daar was in paar
skuurmeisies
ons het geskuur tot laat

ek het uitgesien na ribbetjies
toe ek by die huis kom

‘n moerse groot ribbetjie
lê op die tafel

my vrou staan gereed
met die groot mes

dit rits deur die ribbes
en sny my lewer in twee

Liked it? Share it please ...