2176…Gee my net vir vadersdag

n trok vol letters
sodat ek kan skryf

wat ek nie altyd gesê het nie
sal ek nou skryf

ek is jammer my kind
ek is lief vir jou
ek sal pa wees vir jou

toe jou jongmeise hart seer was
moes ek gesê het

kom lê jou kop op my skouer
en snik jou hartseer uit

toe jy die 100 meter gewen het
skryf ek nou

kom swaai om my lyf
en druk my dat ribbes kraak
ek lag en juig saam met jou

ek skryf nou
so lank as wat ek leef
is ek daar vir jou

kom huil tog
weer op my skouer

Liked it? Share it please ...