2452…’n Nuwe boek

So gou gaan ‘n jaar verby
maar ook so tydsaam
wanneer jy vir iets wag

as jy jou lewe lank wag
gaan iets gebeur
jy gaan dood

party mense sterf ‘n bietjie
elke dag
verwagting word vaer en vaer

ek het nou net ‘n nuwe
Croxley JD158 192 bladsye
boek gekry

‘n nuwe begin
om te skryf oor

die wêreld, mense, hul dinge
versugtinge en die liefde
en die grootste hiervan is
Jesus se liefde vir ons

ek kry ‘n kans
om te skryf
en te deel

dit is nie moeilik
om die lee wit
smekende blaaie
te vul

‘n nuwe boek wag

Liked it? Share it please ...