2583…Die hormoon wind waai

ons snuif die lug

party net ‘n vae gedagte
van gister

‘n roering tussen die grys
soos ‘n moeg ou bul
spartel tot op sy kniee

die vinkmannetjie
het sy beste klere aan
en sing ‘n minnelied

hy word beloon
ses wyfies luister
oopmond na hom

die bergbokke klap kop
die skote weergalm bergaf
waar die ooie angstig wag

maar hier in die stad
grom en lieg die vliegtuig
vir mekaar

die robotte knik rooi
en tap die geduld

ek glimlag net
as die robot

groen knik vir my

Liked it? Share it please ...