2896…Die maan is witgeskrik

vroegnag het sy
blosend orange
op die horison verskyn

die mense was weereens
getref deur haar skoonheid

sy het gekom om lig te gee
elke donker nag

die maan het alles gesien
wat op die aarde gebeur

soos ‘n verslaggeefster
moes sy alles neerskryf

dit was die koning se partytjie
daar was ‘n moerse rave

die jongmense het laf
geraak onder die popelierbome
en daar was ‘n vreeslike ongeluk

toe die nag driekwart was
het sy jammertrane gehuil

dit het die weskaap getref
en nog meer skade aangerig

verskrik het sy bleek
oor die horison gevlug

Liked it? Share it please ...