3157….Jy het vir my digtersink gegee….n gedig vir TRIBALMOON

Toe ek nog digterskind was
het jy my aangeneem

my eerste pogings gelees
my huggies omgeruil
my gepamper

my digters sprokies vertel
my skryfboek uitgevee

my beter punte gegee
ek het gestraal

jy het gekraai!
my skouerklop gegee
met my gelag

min het ek geweet daar oorkant die waters
in kouland was jy

jou hart nog steeds hier
ek het eers hieroor gegrap

maar het toe besef
jou hart is seer

jy het my so goed geleer
ek het presteer

wat mensekind nie van weet
omgee aansporing waardering

is die voedsel van die gees
berge het ek geklim

en bo uitgekom

dankie my vriendin
mag jy ook die vrede vind

Wat God in my skoot neergelê het

Liked it? Share it please ...