417) ysterkruis

hulle het
die russiese T42 tenks
saamgesmelt
en ’n ysterkruis gehamer,
hulle wag vir Vrydag

hulle het in
die flenterbybel
gelees van kruisig hom
Vrydagoggend het hulle
nog nie geweet wie hy is nie

soos honger wolwe het hulle gejag
bloed geruik,
hom in die tuin gekry
hom gearresteer
verniel
en na die kruisheuwel gesleep

toe hy aan die koue staal hang
vra hulle
wat is jou naam?
Barnabas sê hy.

hoe weet ons wie om te glo ?

Liked it? Share it please ...