547) hart van herfs

dae van geluk knak
waai weg
die vergetelheid in
die herfsblare sterf

die boodskappe
daarop geskryf
verweer verkleur
droog gekraak
onleesbaar

ongelees soos baie
sy sit aan die rand
van die dam

en skeur
die somer se briefies
aan stukke
bruin rooi en groen

stukkies bladsy
meng en styg op
saam met die stofwind

sy ween bitterlik
die mooi woorde
weg

sy is leeg
vir die nuwe somer

Liked it? Share it please ...