879) die eerste koeitjie

staan trots en kyk
na al sy koeie
en kallers
dit is vadersdag vandag

die dag wanneer
die manne spog

albertus hangklok
het die meeste koeie
en kallers

sy eerste koeitjie sweetpee
het al twee tweeling versies gehad
en vier alleenloop bulletjies
en sy glimlag nou alweer vir hom

sy tweede koeitjie liefste madelyn
het al vier versies gehad
en sy glimlag nou alweer vir hom

sy broer jakop
het ook nie sleg gedoen nie
en het ses kallers gevader

amos die os
lek sy lippe af
as hy kyk
na die groen bale lusern
wat net agter die versies lê

nikodemus die opgeskote bulletjie
staan en verkyk hom aan die versies
hy weet nog nie waaroor
hierdie gespogtery gaan nie

die stoetbul lag uit sy buik
volgende somer ou bulletjie
kan jy baie versies skryf

Liked it? Share it please ...