560) sterre vonkel nog

hulle arriveer
in die blink,
blinker, blinkste motors

die fotograwe buk laag
om miskien
‘n dy te flits

die liefdes fliek meisie
is net 16
sy gooi ‘n warm
eg glimlag
so het almal begin

die wilde popster
gooi haar lyf
verhoogstyl
die manne staar
en wens

die ou haan van 60
stap trots met die
hennetjie van 18
aan sy sy

maar niemand weet
hy is al oor die muur en
hy betaal haar R80 000
om saam te kom nie

en hy is so ‘n lelike
ou bliksem

Liked it? Share it please ...