791) die ou ooievaar vertel

hy sit op sy nes
en staar na die
sneeubedekte berge

sy bek is krom
van al die baba dra
en twee van sy
nekwerwels het geskuif

sy oog traan
as hy terugdink
aan sy jong dae

hy moes baie hard werk
om vir sy ooievaartjies
te kon sorg
die kompetisie was straf

hy het toe begin troues bywoon
en so adresse gekry
nege maande na die troue
het hy huisbesoek gebring

die nuweling het hy veilig besorg
en sommer so ook die bestelling
vir die volgende een gekry

die ou ooievaar sug
en tuur na die ver berge
sy bleskop
blink in die flou aandson

Liked it? Share it please ...