848) stopstraat

ek het by die stopstraat
van my lewe gekom
as ek hier nie stop nie
is ek ’n wrak

ek kyk terug,
ek is fris en sterk
ek het al baie ouens
gebliksem

agt dubbels maak my lus
ek vlug
die strate in
langbeen lok
lus geblus

ek sluip na huis
die klein vroutjie huil
ek het so mooi gevra
die kinners wag elke aand

ek is jammer sê ek
in die more uur
my hand voel rond
dis koffie tyd sê sy,
vyf uur
jy moet by die werk kom

hier is jou koffie

Liked it? Share it please ...