1094) ek sal jou liefhê tot

die hane kraai

ons het saamgeslaap
en vroeg wakker geskrik

wat sal jou pa en ma sê
hulle het egter geslaap
tot die beeste begin blêr het

ons het huppelend
deur die mielieland genael
die koppe het geknik
die blare het gewaai

ons liefde wie kan raai
het gebloei en gegroei

julle almal het seker
verwag
hier kom’n berg einde

ons het vier kinders gehad
en het op die ou plaas
gesterwe
op elkeen se grafskrif
het gestaan
gebore 1908
gesterwe 2008

Liked it? Share it please ...