1472) Ek het op jou werf kom kuier

ek kry toe net ’n paar verdwaalde hoenners
een eensame skilpad

net een hennetjie lê nog eiers
en die kuikens het luise

die haan is hees,
sy kam is stukkend
en sy vere is deurmekaar

jy moet wakker word

Ek het op jou werf kom kuier
ek vind ’n gekneusde hart
’n pyntrek gesig
jy sal na ’n fisio
toe moet gaan

Ek het op jou werf kom kuier
jou hart bloei so baie
en klop so benoud
jy sal ’n hartomleiding moet kry

Ek het op jou werf kom kuier
jou verlei glimlag
jy borrelpraat aanmekaar
maar dis nie met my nie

traanoog klim ek terug
in my tydmasjien

dit het weer gebeur

ek is 30 jaar
te laat

Liked it? Share it please ...