1511) Styf

die man met die lang hare
kyk na die koek-koek horlosie

Dit is drie uur in die oggend
hy moet nog die viool klaarmaak

hy kan nie wag om die
pragtige klanke te hoor
uit die spesiale viool

hy vry nou al drie jaar
na die dogter van die
balju

en vandag is die dag wat
sy ja gaan sê

vroeg die oggend trek hy
die snare styf

hy trek die stok
die mooiste musiek
vul die vertrek

‘n perfekte meesterstuk
Stradevarius glimlag

nog geen vrou kon die
roep van sy perfekte viool
weerstaan nie.

Liked it? Share it please ...