2074…Lelie van die veld

ek stap deur blommeland
dis blommetyd in namakwaland

die vergeet-my-nie’tjies
glimlag vir my

die sonneblomme het hulle
kappies van blare op
en lyk tog te vrolik

die vetplantjie blom
pers en vrolik
terwyl die dou soos trane
van haar blare afgly

die proteas bly styfgesig
toe ek verbystap

die madeliefie glimlag vir my
ek pluk ‘n paar vir plesier

om my huis te versier
die lewe is wreed

waarom moet hulle sterf
om plesier te gee

Liked it? Share it please ...