2076…Die waaroms

Waarom
gaan die lewe oor
lekker, geluk, liefde,
geld, genot,
al die positiewe dinge

maar kwaad, teleurstelling,
verwyt, afguns,
verwoes alle mooi

en ons land in die woestyn
van ‘n liefdelose lewe

die mens is geskep
om in liefde te lewe

maar waarom
het ons verdwaal

ons het ons kompas
ons het ons GPS
ons het ons padkaart
ons het die padtekens
geignoreer

die kruisboek
die boek van die lewe
het ons geignoreer

ons sal vir altyd
soos ‘n rigtinglose meteoriet
deur die heelal swerf

die kruis
slegs ‘n skaduwee
op die maan

Liked it? Share it please ...