2177…Die randrowers

Is nou nie op straat nie
hulle is in don alfonso se casino

met die meshand agter die rug
staan hulle en wag

die prooi kom ingestroom
met blinkoog en cocktail

hulle weet vanaand
gaan iets gebeur

die blinkes sing
vanaand so vrolik

die regter hand flirt met hulle
tergend speel die blinkes met hulle

die liedjies wat hulle sing
sleur hulle mee

die laaste rand
word op die slurptong gesit

die blinke raak stil
die regterhand is koud

hulle ruk en pluk
verslae traanoog

die monster
het haar petrolgeld gevat

sy wou maar net geld
vir kinderkos kom kry het

Liked it? Share it please ...