2305…Die telraam…se 365 krale

Daar is 365 krale
op elke jaardraad

ons kan vorentoe skuif
maar nie terug nie

dink goed
voordat jy gaan skuif
voordat jy gaan doen

ons skuif die tyd verby
want ons wil

volgende week ..nou hê

volgende week
kom my meisie

roekeloos skuif ek die krale
sy gaan net n week bly

traag skuif ek die krale

ons tel die dae verby
die weke die maande

dit is al julie

ons kyk na wat verby is

die etes,die paarties
die orgasmes,die trane

die pyn,die seer

traag skuif ek die krale
ek is by jaardraad 60

ek sukkel om die krale
by te kom

ek staan al op 7 bybels

ek weet nie hoeveel
jaardrade ek nog gaan tel nie

ek kan nie die bybels lees nie
ek kan nie uitvind hoeveel nie

want ek staan op die bybels

Liked it? Share it please ...