2418…Kyk na die mooie maan my kind

wat van toeka se dae af
vir ons geglimlag het

jou klein handjies
het jy uitgestrek

om die maan te gryp
soos die rooi bal
waarmee ons gespeel het

kyk die mooie maan my kind
die maan wat ons
plesier gee

later op ver paaie
kan ons net afkyk
en weet

die liefdes driehoek
ons twee en die maan

maar nou soms
is daar ‘n skaduwee
voor die maan
wat verhinder

dat ons die mooie maan
kan sien my kind

Liked it? Share it please ...