3266…Ooievaar stories

hy sit en staar na
sneeubedekte berge
sy bek krom van
al die babas dra
twee nekwerwels
het al geskuif

sy oog traan
hy dink aan sy
jong dae

aan die baie werk
om vir die ooievaartjies
te kon sorg
die kompetisie was straf

hy het troues bygewoon
om die adresse te kry
nege maande later
het hy begin aflewer

nuwelinge is veilig besorg
en bestellings is geneem
vir die opvolg besoeke

die ou ooievaar sug
en tuur na die berge
sy bleskop blink
in die flou aandson

Liked it? Share it please ...