3269…Die lewensboek het nog baie skoon blaaie

elke dag skryf ek
‘n bladsy

soms skryf ek met vulpen
versigtig om nie te klad

soms skryf ek met ‘n rolpuntpen
was ‘n lekker jol gewees

soms skryf ek in rooi
was amper in die kaka gewees

soms skryf ek in groen
het ‘n boom geplant en gras gesny

soms skryf ek in blou
dit was nie ‘n goeie dag
ek is flou

ek skryf ook in potlood
sodat ek die mistykies
kan uitvee

my boek se blaaie al verweer
my pen se ink amper op

maar die liewe son
skyn nog steeds op my
ek het ‘n plek in die son

Liked it? Share it please ...