3281…Klipdrift

maar as die klipdrift
my hart omvou
is daar niks warmer nie

ek weet al lankal
dat een bottel
nie genoeg is nie
ek dors na meer

ek weet nie meer
van die wêreld om my nie

hoe my vrou winkel toe stap
net ‘n bietjie koop op ‘n slag
haar klere te klein van net
stysel het om te eet

my drie kinners
almal in die skool

speel gelukkig saam
met met die armstes
hulle ken nie afguns en nyd

my baas het gesê
ek moet nagskof doen
ek gaan meer geld kry
ek kan nou meer klippies koop

my vrou sê, sy is bly
vir die ekstra geld

ek sê vir haar ons
sal die wa deur die drif trek

Liked it? Share it please ...