Vroegoggend fluister die son vir die klippe

wat blinkswart verstrooi le
oor die karoovlaktes

en praat van die
langstert skerptand
groot akkedisse wat
elke oggend rondgeplas het
in die groenslym poele

vir miljoene jare lank al
word hier al vertel

op die warm swart klip
wat al miljoene jare
so op sy sy le
gaan sit ek

as ek my oe toemaak
sien ek groot akkedisse
en slympoele

as ek my oe oopmaak
sien ek die bossievlakte karoo

'n tydsreisiger
van gister, vandag
en more

Liked it? Share it please ...