Die ysvrou begin smelt

Jou silhoeet
flikkerlig teen die muur

die wasreuk n herinnering

jou lag ontsnap stram
in die flikkerlig

jou naaklyf
smeek in die skemer

jou moeg lyf neem ek
in my hande

jou slape gestreel
staroog versag

jou styfmond kus ek
jou stywe lippe

smelt sag

jou skouers
klaviersnaar styf gespan

ek tokkel n minnelied
jy smelt

jou rug styf soos n boog

ek masseer die stywe spier
jy smelt van plesier

jou tjop is hard
en onverwerk

ek bestryk jou
met my strykstok

bestreel jou ledemaat
doelgerig

die nag is nog jonk!

Liked it? Share it please ...