Dit raak aan die siel

Jongoog, blinkoog, skoonoog
dit is jy

ek ken jou nie
ek lees jou

soos jy skryf
vou jy oop soos 'n veldlelie

vou jy oop
soos 'n dertigblaar roos

in my geestesoog
ruik ek jou

diepteug
ek jou skoonheid

jy sal altyd wees
die water wat kabbel

die voeltjies wat piep
in die nessie
die by wat versamel

die pasgebore baba
die glimlag op die ma se gesig

jy skryf mooi

Liked it? Share it please ...