Donkernag lê ons naak op die lappieskombers

Jou vingerpunte
reis oor my lyf

luswekkend
tintellinend

golf jou vingers
oor my lyf

jou vingerpunte reis
oor berge en oor dale

oral waar dit gaan
is dit aangenaam

jou jaagasem mond
proe aangenaam
effe souterig

ouma het gesê
stroopsoet kan nog gaan

maar sout is die smaak
van die rowwe brander
wat meesleur

sopnat skrik ek wakker

Liked it? Share it please ...