Ek kyk deur die venster na jou wereld

Waar jy lag
en jy speel

vlegselmeisie
sproete en al
tot teen die glas
kom jy

my speelmeisie
my lagmeisie

my hart bons
maar die glas skei ons

ek kan net oogdeel
en kan net kyk

hoe jou bene lank word
en jou wimpers groei
hoe jy vrou word
en lippe rooi

hoe jy die netbal plaas
sekuur is jy

my hart klop klop
as jy glimlag

ek vat die diamant
en sny die glas

ek stap in jou wereld in
en hoor jou lag ver weg

ons werelde is te ver
en ons paaie kan nie kruis

terug na my wereld
stap ek

ek hoor jou lag
en sien jou speel

vir altyd

Liked it? Share it please ...